Isidro Aristik oso modu positiboan baloratu du agintaldi erdia. EAJrekin akordioa egin izana "garesti" atera zela eta hasiera "oso zaila" egin zitzaiola onartu du. Nolanahi ere, herriarentzat "aldaketa nabarmena" lortzen ari direla eta denborak "arrazoia" eman diola nabarmendu du.

Indar bozkatuena izan bazen ere, alkatetza galdu eta bi urteotan oposizioan egotea tokatu zaio EH Bilduri. Koalizioak egin duen lanaren balorazio positiboa egin du Gilen Garciak, baina aitortu du "sentsazio gazi-gozoa" ere badutela. Elkarlanerako deia egin dio udal gobernuari.