Gipuzkoako EH Bilduk jakinarazi duenez, Avanzak eskualdean eskaintzen duen autobus zerbitzuari buruzko gaia abenduko Batzar Nagusietako osoko bilkurara eramango du. Prentsa ohar bidez azaldu dutenez, “Avanza multinazionalak Transportes Pesa erosi zuenetik erabiltzaileak mugikortasun arazo handiak izaten ari dira” eta, gaiari buruz Mugikortasun diputatu Azahara Dominguezi galdetu arren “arazoak konpontzen ez direla ikusita, abenduko Batzar Nagusietako osoko bilkuran eztabaidatzeko ekimena erregistratu du”. 

Pentsio publiko duinen aldeko aste honetako elkarretaratzean iragarri zutenez, Legebiltzarrean aurkeztutako Herri Ekimen Legegilearen (HEL) aldeko “sinadura bilketa masiboari hasiera emateko” oniritzia jasotzea espero dute “aste gutxi batzuetako epean”. Jakinarazi zuten HELarekin eskatzen ari direnak “100.000 pentsiodun baino gehiagori eragiten” die, “gehienak emakumeak”.