Debabarreneko udalek (Deba, Eibar, Elgoibar, Mendaro, Mutriku eta Soraluze) Aisialdiko Begirale titulua eskuratzeko ikastaroa antolatu dute Gaztetxo Eskolarekin elkarlanean. Eskolak urritik ekainera bitartean izango dira, larunbatetan, Eibarren ala Elgoibarren. Izena emateko azken eguna irailaren 20a da.

Mankomunitateak jakinarazi du sukaldeko olioa eta kafe kapsulak biltzeko lanak indartu dituela, kontratu berri baten bitartez, uztailaren 22az geroztik. Zerbitzua Ekogras enpresari esleitu zaio; 81.730 euroko kostua izango du, eta bi urtez egongo da indarrean.