Bitxiloreak taldeak Eguzkiloreak taldearen aurka neurtuko ditu indarrak gaur (maiatzak 16) 19:00etan jokatuko den norgehiagokan. Sebastian Lizaso eta Nerea Elustondo bertsolariak ere eurekin batera izango dira.

Emakumezkoen pilota sustatzen duen Ados enpresak sortutako Etxeko Memoriala-Bertso Pilota Txapelketak Itziarren egingo du geldialdia. Hiruna pilotarik osaturiko bi talde lehiatuko dira, esku huska, eta pilotarien gidari eta animatzaile bertsolari banak beteko du botilero funtzioa.

Itziarren, Bitxiloreak (Agirre, Iturriaga eta Galeano) eta Eguzkiloreak (Mendiburu, Mujika eta Arrieta) taldeko pilotariak ariko dira aurrez aurre. Taldeak Sebastian Lizaso eta Nerea Elustondo bertsolariaren esanetara ibiliko dira.

*** Frontoiko atean jarriko dituzte salgai sarrerak, 5 euroren truke.