Mugikortasuneko, Turismoko eta Lurralde Antolaketako diputatua Debabarreneko turismo sektoreko ordezkariekin eta alkateekin bildu zen atzo, egungo beharrez eta indarguneez aritzeko. Topaketan, besteak beste, izaera industrial nabarmeneko eskualdea turismorako ere erakargarria izan daitekeela nabarmendu zuen diputatuak.

Lina Amenabar Soraluzeko Laboral Kutxako zuzendariaren esanetan, digitalizazioak "ikaragarri" aldatu du banketxeen lan egiteko modua, batez ere mugikorrak bezeroei "online bankaren bitartez kontsultak eta eragiketak egiteko aukera" eman dienetik.