Neguko Outleta egingo dute herriko merkatariek

Berriketan 2025ko mar. 5a, 09:31

Herriko zazpi saltokitan eskaintza bereziak aurkituko dituzte herritarrek hiru egunetan (bihar, etzi eta larunbatean). Gainera, 100 euroko lau bonu zozkatuko dituztela azaldu dute merkatariek.

Martxoaren 6an, 7an eta 8an egingo da Neguko Outleta Debako hainbat dendatan. Guztira zazpi dira ekimenarekin bat egin duten saltokiak: Bohem jantzi-denda, Mugan jantzi-denda, Look jantzi-denda, Masillo liburu-denda, Aukerak, Lamariano Oinetakoak eta Estilo jantzi-denda.

Halaber, zozketa berezia egingo dutela ere iragarri dute. Izan ere, erosleen artean 100 euroko lau bonu zozkatuko dituzte outletaren baitan.