Arkatza liburu-denda ezaguna itxiko zutela jakina zen, baina iritsi da eguna. 39 urteren ostean, pertsiana jaitsi du Ostolaza kaleko saltokiak.
Igandea (martxoak 2) izan zuten azken eguna eta, aurreko egunotan bezalaxe, jende ugari hurbildu zen Guillermo Andonegi eta etxeko guztiei ibilbide honetan egindako lana eta emandako zerbitzua eskertzera. Egunkariak, aldizkariak, liburuak, testu liburuak, eskola- eta bulego-materiala, bestelako opariak... Arkatzaren itxierak hutsunea lagako du askoretzat herrian.