“Euskaraz aritzeko eta jendea ezagutzeko aukera ederra ematen du Mintzalagunak”
abe 03, 10:00 Deba
Mintzalaguna programak urteak daramatza milaka pertsonari euskalduntzeko bidean laguntzen. Ikasturte hasieran zabaldu zuten taldeetan izena emateko aukera eta uneotan hiru talde daude martxan Deban. Euskaldunak sortzeko eta euskara hauspotzeko ekimena gertutik ezagutu nahian, programan parte hartzen ari diren bidelagunekin eta bidelariekin hitz egin dugu oraingoan.
Burgosko Prozesuaren epaiketa hasi zela 55 urte betetzen dira gaur
abe 03, 12:47 Deba
1970. urteko abenduaren 3tik 9ra bitartean egin zen Burgosko Prozesua. ETAko 16 kide prozesatu zituzten, gerra kontseilu batean, ustez Meliton Manzanasen hilketan parte hartzeagatik. Akusatuen artean Itziar Aizpurua debarra eta bere senar Jokin Gorostidi zeuden. Epaiketak aurrekaririk gabeko oihartzuna izan zuen Euskal Herrian, baita nazioartean ere. Epaitutako herritarren testigantzak jasotzen ditu El proceso de Burgos filmetik ateratako bideo honek.
