Zarautz (San Pelaio) eta Aia-Orio geltokien arteko tren zerbitzua etenda egongo da gaurtik (irailak 15) aurrera, Aiako Zudugarai tunela indartzeko egin beharreko obra tarteko. Lanek iraun bitartean, ordezko autobus zerbitzua ezarri dute. 

Gipuzkoako Foru Aldundiak jakinarazi duenez, 0 eta 3 urte bitarteko 10 haur artatu ditzaketen familiak behar dira premiaz. Adin-tartea 6 urtera arte zabalduz gero, 18 adingabek behar dute familia; beraz, 28 dira, premiaz familia behar duten haurrak. Oro har, berriz, Gipuzkoako 85 haur eta nerabek dute harrera-familia beharra. Asteon, Diputazioko ordezkariek prentsaurrekoa egin dute egoeraren berri emateko eta bertan esandakoaren arabera, Gipuzkoako Foru Aldundiak 885 adingabe ditu tutoretzapean; horietatik 556 zentroetan bizi dira eta 329 harrera-familietan daude jada.