Arbil Elkarte Sozialak antolatutako ibilaldia parte hartzeko interesa dutenek ez dute aurrez izenik eman beharko; 08:30ean autobus geltoki parera gerturatzea nahikoa izango da, izan ere, ordu horretarako autobusa hartu eta Elgoibarrera joatea da asmoa. Ondoren, 09:05ean, Elgoibartik beste autobus bat hartuko dute, Azpeitira joateko. Behin, Azpeitian, Iraetara arteko 12 kilometroko ibilaldia egingo dute. Buelta autobusez eta trenez egingo dute. Iraetatik Zumaira autobusez joango dira eta Zumaitik Debarako tartea, trenez egingo dute.
37. Antzerki Astearen baitan, Urtaroen musikala lana antzeztuko dute Aizarnako Herri Eskolako kideek. Luzaroko ikasleen aurrean bi saio (10:30 eta 11:30) eskainiko dituzte doan.
Bi programa eskainiko dira. Batetik, Zabu Zibu (16:30etik 17:30era); 3-5 urte bitarteko haurrak dituzten familientzat. Helburua euskaraz jolastu ahal izateko tresnak eskaintzea da, beraz, behar-beharrezkoa da haurrak guraso edo helduren batekin joatea eta jolastea. Bestetik, Txirrintxon (17:30etik 18:30era); 6-9 urte bitarteko haurrentzat.
Barbara Ruiz Balzola UNRWAren Euskadiko delegatuak eta Mohamed Farajallah aktibista palestinarrak parte hartuko dute solasaldian. ***Oharra: hitzaldia gazteleraz izango da.