Aurtengoan ere, Herri Urratsera joan-etorria egiteko autobusa antolatu dute elkarlanean herriko hainbat gurasok eta Zuhatza Euskara Elkarteak. Txartelak Zalburdi tabernan eta Bikain jatetxean eskuratu daitezke, 15 euroan. Autobusa 08:45ean abiatuko da Debatik, estalitako pasealekutik. 08:55ean jasoko du jendea Itziarko biribilgunean. Itzulera ordua 19:00etan izango da, Senperen.
Asteburu honetan abiatuko da Banakako bost t'erdiko pala txapelketa, eta bertan arituko dira Iruleak Emakume Pilotariak kirol klubeko palistak. Deban jokatuko dira bigarren mailako lehen jardunaldiko partidak. 10:30. Iruleak (Maialen Rosa) vs Hernani (Iriondo). 11:00. Iruleak (Maite Mugartegi) vs Beotibar (Belardi).