Kaldereroen kalejira koloretsua bideoan

Erabiltzailearen aurpegia Berriketan 2025ko ots. 25a, 09:59

Inauteriak ate-joka ditugu eta joan den larunbatean kaldereroen urteroko bisita izan genuen. Urtez urte indarra hartzen ari den ekimenak utzitako irudiekin osatutako bideoa da hau. Ikus-entzunezkoa Gure Kai Euskal Dantzari Taldeak zabaldu du. 

Inauteri giroan murgiltzen hasteko urteroko bisita egin zuten kaldereroek otsailaren 22an. Soinean trapu zaharrak (eta ez hain zaharrak) jantzirik, zartagin eta mailu hotsez bete zituzten Debako kaleak; kalejira jendetsua eta koloretsua egin zuten, beste behin ere, eta pregoi, abesti eta dantzekin biribildu zuten ekimena. Hitzorduaren laburpena bideoan jaso du Gure Kai Euskal Dantzari Taldeak. 

Larunbateko ekimenarekin inauteri giroa piztuta, hilaren 27tik aurrera murgilduko dira Deba eta Itziar urteroko mozorro eta kolore festan.