Berriketan herri komunikabidearen etorkizuneko estrategiaz hitz egiteko bilera irekia deitu du biharko (uztailak 22) Zuhatza Euskara Elkarteak. 19:00etan hasiko da bilera, Kultur Elkartean.
Euskara Elkarteak jakinarazi du bazkide guztiak daudela bertan parte hartzera gonbidatuta: "Epe motzean estrategia aldaketa bat egingo dugu Debabarreneko komunikazio taldea osatzen dugun kideok (Ermuko Euskal Birusak, Soraluzeko Pil-pileanek, Elgoibarko Izarrak eta Debako Zuhatzak). Aldaketa estrukturalak datozenez, garrantzitsua eta beharrezkoa iruditzen zaigu informazio guztia bazkideekin eta Berriketan herri komunikabidearekin harremana izan duzuen guztiokin zuzenean partekatzea".