Urte luzez garatzen ari den elkartasun ekimenari esker, azken hamabost urteotan 4.597 haur saharar etorri dira Arabara, Bizkaira eta Gipuzkoara; tartean Debara ere. 2022ko udan 153 adin txikiko izan ziren EAEn, 2023an 183 haur eta iaz 188 etorri ziren. Aurtengo kanpaina Esperantzari leiho bat lelopean garatuko da, eta honela azaldu dute lelo hori ekitaldiaren antolatzaileek: "Ekimena egingo dugun azken uda izateko esperantza, Mendebaldeko Saharara aurki bueltatzeko esperantza, herri oso baten esperantza... Bakearen enbaxadoreak, haur sahararrak".
Gogorarazi dutenez, pertsona bakarra, umerik gabeko familiak, seme-alabak dituzten bikoteak, jubilatuak… edonork parte har dezake programan, lortzen den harrera familia bakoitza "izugarri garrantzitsua" baita Saharako haurrentzat. Izena emateko epea zabalik egongo da martxoaren 15era arte, oporrakbakean.eus webgunean.
Udan Saharako haurrak etxean hartzeko familien bila dabiltza
Abian da aurtengo Oporrak Bakean programa. Saharako Euskadiko Ordezkaritzak, egitasmoa babesten duten udalek eta ekimen hau posible egiten duten elkarte eta harrera familietako ordezkariek Donostian aurkeztu dute aurtengo egitasmoa, eta Saharako umeak uda sasoian etxean hartzeko familiak behar dituztela nabarmendu dute.