Hona argazki lehiaketan parte hartzeko oinarriak:
Parte-hartzaile bakoitzak, gehienez, 2 argazki aurkeztu ahal izango ditu. Argazkiarekin batera adierazi beharko dira:
- Egilearen izen-abizenak.
- Harremanetarako telefonoa eta emaila.
Epeak eta argazkiak bidaltzeko moduak
- Argazkiak bidaltzeko epea: martxoaren 6ra arte.
- Parte hartzeko igo zure argazkiak HEMEN klik eginez (edo bidali posta elektronikoz berriketan@berriketan.eus helbidera edo whatsapp bidez 632 04 33 22 zenbakira).
- Parte hartzeko ez da ezer ordaindu beharko.
- Deban edo Itziarren jaio, bizi edo lan egiten duen edozeinek parte hartu ahal izango du.
- Argazkiak koloretan zein zuri-beltzean izan daitezke.
- Argazkiak originalak eta beste inon argitaratu gabeak izango dira (sare sozialak salbu).
- Aurtengo inauterietako argazkiak izango dira.
Epaimahaiaren eta publikoaren sariak
Bi sari egongo dira eta honela erabakiko dira irabazleak:
- Lehen saria izendatzeko epamahaia osatuko du Berriketan herri komunikabideak. Epamahaikideek argazkiaren kalitatea eta originaltasuna hartuko dituzte kontuan.
- Publikoaren saria izendatzeko martxoaren 7tik 14ra bitartean bozketa zabalduko da berriketan.eus-en.
- Irabazleak nortzuk diren martxoaren 14an (eguerdiko 12:00etan) emango da aditzera, berriketan.eus-en.
Sariak
- Epaimahaiaren saria: Errigoraren saski berdea.
- Publikoaren saria: Yurrita arrain kontserben produktu sorta.
