Zuhatza Euskara Elkarteak ekintza asko burutu izan ditu bere ibilbide luzean, orain 25 urte sortu zenetik. Bere aldizkaria zabaldu izan du hilero (irailean izan ezik); 1.400 ale hilabete bakoitzean. Eta beste hainbat ekintza ere aipatu nahi nituzke:
- Garai berriko Euskal Jai “berriztatuaren” sortzaile, eratzaile eta bultzatzaile zintzoa izan da hogeitik gora jaialditan.
- Hainbat musika jaialdi antolatu ditu elkarteak, Fermin Muguruza eta abar ekarriz Debara.
- Bertsolarien jaiak ere ospatu izan ditu, ekitaldietan txapelduna bertan zela, edota Xabier Amuriza bere ahotsean Lazkao Txiki irudikatzen jarri zueneko hura bezala.
- Zumardian haurrentzako ekitaldi arrakastatsu ugari egin izan ditu hainbat eta hainbat urtean.
- Arkeologiaz ere arduratu izan da Zuhatza, Praileaitz-en aurkikuntzaren berri emateko Xabier Peñalver eta Jose Antonio Mujikaren hitzaldia antolatuz, adibidez, Kultur Elkartean.
- Eta bestelako hainbat bideo proiekzio eta hitzaldi ere eskaini izan ditu Kultur Elkartean.
- Elkarteak orain ere Benito Lertxundiren emanaldi arrakastatsua antolatu berri du. Eta abar eta abar egiten jarraitzen du.
[Zuhatza Euskara Elkartea, 25 urte hamaika bidelagun albiste nagusira bueltatzeko, sakatu HEMEN]