Musika Bandak lagunduta, hiru Errege Magoak eta horiekin batera etorri ziren laguntzaileak oinez ibili ziren kalejiran herriko hainbat lekutan zehar, eta etenik gabe pozarren agurtu zituzten euren zain zeuden guztiak. Gurutze kaleko jaiotzari agur nagusia egin ondoren, udaletxe azpiko arkupean amaitu zuten ekitaldia. Meltxorrek, Gasparrek eta Baltasarrek oraindik gutuna bidaltzeko zeukaten umeen gutunak jaso eta horiek esan beharrekoak entzun zituzten.
