Abenduko ‘Berriketan’ aldizkariaren edizio digitala irakurgai

Berriketan 2022ko abe. 21a, 09:00

Herri aldizkariaren 279. zenbakia Internet bidez ere irakurtzeko aukera dago berriketan.eus atarian. Azken alea ez ezik, aurrez kaleratutako hilabetekari guztiak ere bertan daude irakurgai.

Abenduko ale honetan landutako gaien artean, besteak beste, honako hauek aurkituko ditu irakurleak: Zuhatza Euskara Elkartearen 25. urteurrenari buruzko gehigarri berezia, Brasilen bizi den Maite Zalduegiri elkarrizketa Debarrak Munduan atalean, KulturEkin programazioaren baitan antolatutako ekimenei buruzko informazioa, Unai Lekube Donostia Operako kideari elkarrizketa, Kimetz Etxabe txirrindulariari eta Bitor Garitaonandia surflari profesionalari elkarrizketa Kirolaren atalean, Euskeraz Bagera zikloaren argazki galeria… Bestelako albiste, gutun eta iritziak ere jaso ditu, betiko legez, hilabetekariak.

HEMEN irakur daiteke ale osoa.