Aurrez, 18:30etan poltsen salmenta eta mokadutxoa egongo dira.
Kolore Anitzen eskutik haurrentzat zaintza zerbitzua egongo da Kultur Elkarteko liburutegian.
Debako Liburutegia Denontzat Taldeak udaberrian, martxotik aurrera, liburutegiari buruzko hausnarketa bat nahi du bultzatu herrian (zer izan da, zer da eta zer izan daiteke), eta zenbait ekimen antolatuko ditu horren harira.
Aurrena, martxoaren 28an, 19:00etan Kultur Elkarteko areto nagusian 'Gaurko eta biharko liburutegiak' solasaldia antolatuko dugu (aurrez poltsen salmenta eta mokadutxoa ere egongo da 18:30etan)
Helburua liburutegi eredu desberdinak ezagutzea da, bereziki, Haur eta gazte liburutegiak. Eta helburu orokor horren pean daude esperientzia berriak ezagutzea eta hausnarketa bultzatzea.
Solasaldiko partaideak dira ondorengoak:
Igor Idoeta (Markinako Udal Liburutegiko liburuzaina)
Andoni Olaetxea (Getariko Udal Liburutegiko liburuzaina)
Asun Agiriano (Arrasateko Udal Liburutegiko liburuzaina)
Geaxi Ezpeleta (Elgetako Udal Liburutegiko liburuzaina)
Solasaldia gidatuko du Arantzazu Ibarrondok (Oñatiko Udal liburutegiko zuzendaria)
Landuko diren gaiak ondokoak dira: zer diren liburutegiak; nola aldatu diren eta zertan alda daitezkeen; norentzat diren liburutegiak; betetzen duten funtzioa; espazioaren antolaketa; liburutegietako materiala; ekintzak eta tailerrak; eskolarekin harremanak; izan ohi diren zailtasunak eta erronkak; etorkizuneko liburutegiak nolakoak…