Euskal udaleku irekietan izena emateko aukera dago oraindik ere, igandera arte, Internet bidez (esteka honetan).
Debako Udalak eta Zuhatza-Kolore Anitz Aisialdi Taldeak elkarlanean antolatutako Kolorez Blai udalekuak ekainaren 30etik uztailaren 24ra bitartean egingo dira, bi txandatan banatuta: ekainaren 30etik uztailaren 11ra izango da lehenengoa (HH5, LH1 eta LH2 mailetako haurrentzat), eta uztailaren 14tik 24ra bigarrena (LH3tik LH6ra bitarteko ikasleentzat). Aisialdiko jarduerak astelehenetik ostiralera egingo dira, 09:30etik 13:00etara; uztailaren 25ean ez da udalekurik izango, eta hilaren 24an 09:30etik 16:30era artekoa izango da eskaintza.
Gogorarazi dute plaza mugatuak direla; hortaz, eskainitako plazak baino eskaera gehiago jasoz gero, zozketa egingo dute. Zozketa horretan lehentasuna izango dute Deba-Itziarren eskolatutako haurrek.
Edozein zalantza argitzeko edota informazio gehiagorako: 641 46 52 42 telefono zenbakia edo koloreanitz@gmail.com posta elektronikoa.