Debako Udalak eta Zuhatza-Kolore Anitz Aisialdi Taldeak elkarlanean antolatutako Kolorez Blai euskal udaleku irekiak ekainaren 30etik uztailaren 24ra bitartean egingo dira, bi txandatan banatuta: ekainaren 30etik uztailaren 11ra izango da lehenengoa (HH5, LH1 eta LH2 mailetako haurrentzat), eta uztailaren 14tik 24ra bigarrena (LH3tik LH6ra bitarteko ikasleentzat). Aisialdiko jarduerak astelehenetik ostiralera egingo dira, 09:30etik 13:00etara; uztailaren 25ean ez da udalekurik izango, eta hilaren 24an 09:30etik 16:30era artekoa izango da eskaintza.
Izen-ematea
Internet bidezko izen-ematea zabalik dago (esteka honetan). Aurrez aurre egin nahi dutenek Zuhatza elkartearen bulegora jo beharko dute apirilaren 30ean, maiatzaren 5ean edo maiatzaren 7an, ondoko ordutegian: 10:00etatik 12:00etara eta 18:00etatik 20:00etara. Edozein zalantza argitzeko edota informazio gehiagorako: 641 46 52 42.