2025ari ongietorria emateko txangoa antolatu du Zuhatza-Kolore Anitzek urtarrilaren 3rako (ostirala). Parte hartzaileak goiz-pasa joango dira Bizkaia Park Abentura haur parkera, orain bi urte bezalaxe. Autobusez egingo dute Gueñesera joan-etorria; irteera 09:00etan izango da, zumardiko parketik, eta itzulera, berriz, 14:30ean.
Zabalik dago irteeran parte hartzeko izen-ematea eta abenduaren 23a (astelehena) izango da horretarako azken eguna. Interesa dutenek Internet bidez egin beharko dute izen-ematea, esteka honetan.
Plaza mugatuak izango dira. Irteeran parte hartu nahi dutenek 22 euro ordaindu behar dituzte (bi euro gutxiago familia ugariek edota Zuhatza Euskara Elkarteko bazkideek). Prezioaren barruan sartuta daude sarrera, autobusa eta asegurua.
Irteerari buruzko informazio gehiagorako, herritarrek koloreanitz@gmail.com posta elektronikora idatzi dezakete.