Kolore Anitz aisialdi taldeak adin guztietako herritarrei zuzendutako egitaraua antolatu du Kolore Anitz Egunaren baitan. Egitarauari goizeko 10:00etan emango zaio hasiera, haur hezkuntzako eta lehen hezkuntzako umeentzat Aldats pilotalekuan antolatu dituzten jolasekin. Goizeko saioa eguerdiko 13:00ak arte iraungo duen arren, egitarauari jarraipena emango zaio iluntzean. 21:00etatik aurrera 16 urtetik gorakoei zuzendutako kontzertu eta festa egingo da Gaztetxean, Elgoibarko Amildegi musika taldeak girotuta.
Halabeharrezko geldiunearen ostean, indarberrituta dator aurtengo Kolore Anitz Eguna. Azaroaren 13an (larunbata), adin guztietako gazte ekimenez gozatzeko aukera egongo da herriko txoko ezberdinetan egingo diren ekintzetan.