Dagoeneko iragarri dituzte datorren irailaren 13an Deban egingo den kaleko margo sariketaren oinarriak. Antolatzaileek nabarmendu bezala, "margolari guztientzako" lehiaketa izango da; baldintza bakarra 16 urte izatea da.
Parte hartu nahi duten margolariek, beti bezala, zigilua jarri beharko diete margo oihalei eta horretarako Agirre jauregiko erakusketa gelara jo beharko dute, 08:00etatik 10:30era bitartean. Lanak leku berean aurkeztu beharko dituzte ondoren (13:30ak baino lehen).
Artelanen gaia librea da, baita teknika ere. Azpimarratu dutenez, dena den, lanak nahitaez aire zabalean margotu beharko dira, udalerrian barrena.
Sariketaren erabakia antolatzaileek izendatutako epaimahaiaren esku egongo da eta sari banaketa ekitaldia 14:30ean egingo dute, Agirre jauregiko erakusketa gelan. Lehiaketara aurkeztutako lanak bertan izango dira ikusgai ondorengo astean.
Zortzi sari
Aurtengoan ere zortzi sari banatuko dituzte:
- Lehen saria: 800 euro.
- Bigarren saria: 500 euro.
- Hirugarren saria: 350 euro.
- Saritu gabeko herriko lehen sailkatua: 250 euro.
- Cardenas fundazioaren sari bereziak:
- Laugarren saria: 200 euro.
- Maria Esperanza Chavarri akuarela saria (lehendik saritu gabeko akuarela onenari): 300 euro.
- Marques de Prado Ameno sari berezia (teknika librean, aurretik saririk jaso ez duten 21 urtetik beherako gazteentzat): 150 euro.
- Blanca Vilallonga saria (itsasoa gaitzat duen eta lehendik saritu gabeko lanik onenari): 300 euro.