Goazek bere urrezko ezteiak ospatzeko antolatutako egitarauaren baitan aurkeztu zuen 50 urte... eta baGOAZ dokumentala, 2024ko azaroan. Eta herritar guztientzat ikusgai jarriko du orain ikus-entzunezkoa Interneten, Berriketan.eus webgunean.
Antzerki taldearen ibilbidea eta historia azaltzen du Jon Amutxastegik eta Aroa Fernandezek ekoitzitako lanak eta Goazekin harreman zuzena izan zuten edo duten kideek parte hartu dute bertan. Guillermo Andonegi, Mila Idiakez, Karlos Larramendi, Iraia Agirrezabala, Goizane Aizpurua, Karmele Zulaika, Aitor Larramendi, Itzale Laka, Irati Baroja, Joseba Escudero, Dorleta Lazarobaster, Ainhoa Urbieta, Amaia Zinkunegi, Amaia Arotzena, Mattin Urbieta, Pili Litago eta Josu Iriondoren testigantzak jaso dituzte bideoan.
Dokumentalak 55 minutuko iraupena du. Ostiral eguerditik aurrera izango da ikusgai sarean.