Deban txartel marroia derrigorrezkoa izango da hondakin organikoen edukiontziak erabiltzeko apirilaren 28tik aurrera. Debabarreneko Mankomunitateak sustatutako neurri honen helburua bio-hondakinen kudeaketa hobetzea eta hauen bereizketa eraginkorragoa sustatzea da.
Sistema berrira egokitzeko prozesua errazteko, informazio-karpa bat jarriko da asteburuan (larunbatean), txartel marroiaren erabilerari buruzko azalpenak emateko eta herritarren zalantzak argitzeko asmoz.
Horrez gain, informazio-bulegoak zabalik egongo dira Debako udaletxeko sarrera nagusian (apirilaren 8an, 9an eta 12an) eta Itziarko Kalebarreneko lokalean (apirilaren 10ean eta 11n), eta aurrez txartel marroia jaso ez dutenek bertan izango dute eskuragai.
Garrantzitsua da ondorengo informazioa kontuan hartzea:
● Orain arte poltsa konpostagarriak eskuratzeko txartela erabiltzen zutenek etxean jasoko dute txartel marroia, informazio-gutun batekin batera.
● Txartelik ez dutenek, berriz, aipatutako data eta ordutegietan informazio-bulegoetara jo beharko dute hura eskuratzeko.
Arreta ordutegia: Udaletxeko sarrera nagusian / Kalebarreneko lokalean (Itziar)
● Asteartetik ostiralera: 10:00etatik 14:00etara eta 17:00etatik 20:00etara.
● Larunbatean: 10:00etatik 14:00etara.
Ildo horretan, udalak nabarmendu bezala, "Debak aurrerapauso bat emango du hondakin organikoen kudeaketa hobetzeko eta birziklapen-ohiturak sendotzeko, herritarren inplikazioa sustatuz eta jasangarritasunaren aldeko konpromisoa indartuz".
Informazio gehiago nahi izanez gero, herritarren arreta bulegoetara gerturatu edo 629 03 12 52 telefonora dei daiteke.