Debako Udalak eta Cardenas Fundazioak 'Deba 100 hitzetan' literatur lehiaketaren IX. edizioa abiatu dute, beste urte batez, herrian oinarritutako kontakizun laburren bidez sormena eta idatzizko adierazpena sustatzeko helburuz.
Une honetan, oraindik zabalik dago lehiaketan parte hartzeko epea. Ohiko moduan, interesa duen orok parte hartu ahal izango du, lanak euskarazko edo gaztelaniazko modalitatean aurkeztuz, baina, betiere, 100 hitzeko muga errespetatuz (izenburua kontuan hartu gabe). Edukiak, halaber, Debarekin, haren historiarekin, paisaiarekin edo herriarekin, zuzenean edo zeharka, zerikusia duen beste edozein alderdirekin lotuta egon beharko du.
Lanak originalak eta argitaratu gabeak izango dira, eta paperean edo formatu digitalean aurkeztu ahal izango dira; azken eguna martxoaren 16a izango da, 14:00etan, Debako Turismo Bulegoan.
Lehiaketaren baitan guztira sei sari banatuko dira, modalitate bakoitzeko hiru, alegia (euskara eta gaztelera), eta irabazleak epaimahai batek aukeratuko ditu.