Debako udalbatzak urtarrileko ohiko osoko bilkura egingo du gaur arratsaldean

Erabiltzailearen aurpegia Berriketan 2025ko urt. 30a, 09:31

19:00etan hasiko da bilkura, udaletxeko pleno aretoan. Hilero bezala, hainbat gai izango dituzte hizpide.

Udaletik jakinarazi dutenez, honakoa da eztabaidatuko den gai zerrenda:

  • Aurreko bilkurari dagokion aktaren zirriborroa onartzea, hala badagokio.
  • Alkatetza dekretuen kontrola.
  • Vialine enpresak kudeatutako trafiko isunei buruzko alkatetza dekretuen kontrola.
  • Oihana Irusta EH Bildu udal taldeko zinegotziaren karguari uko egitearen berri hartzea.
  • Partaidetzazko aurrekontuetarako konpromiso politikoaren berri ematea.
  • Onartzea, hala badagokio, lanpostuen zerrendaren eguneraketa.
  • Onartzea, hala badagokio, 2025eko udalbatzarren egutegia.
  • Eskariak eta galderak.