Guztira 22 mahaikide alai ikusten ditugu irudian, trenbideko langileak ziren gehienak. Gizonezkoen artean, honako hauek ikus ditzakegu, besteak beste: Rafael Pastor, Federico Varela, Enrique Sainz, Fidel Carrillo, Manuel Salegui, Benjamin Lazpita, Joaquin Escudero, Leon Azpiazu, Greño, Martin Beristain, Pedro Ruiz, Manuel Gaspar, Felix Narro, Saka... Emakumeen artean, berriz, Iriondo jatetxeko Mari Kontxi Indamendi eta Angela de la Peña zerbitzariak agertzen dira.
Geltokiko buruak, txartel-zulatzaileek eta saltzaileek, faktore-lanpostuetakoek, orratzainek, balaztazainek, trenbidearen mantentze lanetarako langileek, zaindariek, ekipajeaz arduratzen zirenek, barrerazainek... osatzen zuten Debako lantaldea.
Aipatutako lanpostu horietako gehienak desagertu egin ziren trenbideen modernizazioaren eta automatizazioaren ondorioz. Guk dakigula, Debako geltokiak ez du langilerik gaur egun, ez behintzat jendaurreko jardunean. Zenbat aldatu diren gauzak!
Alex Turrillas Aranzeta