Luzaro ikastetxeak eta Altxa Burua Deba-Itziar taldeak elkarlanean, eta udalaren laguntza ekonomikoaz, LH4ko eta LH6ko ikasleentzako saio batzuk antolatu dituzte (eskola orduetan) Miren Ros adituarekin. Saio hauen helburua pantailen erabileraren inguruko hausnarketa sustatzea da, erabilera ahalik eta kontziente eta egokiena izan dadin.
Haurrentzako saioak egin ostean, Miren Ros aditua LH4ko eta LH6ko ikasleen gurasoekin bilduko da. Horrela, ikasleek eta familiek mezu bateratua jasoko dute eta familia bakoitzean elkarrizketa eta hausnarketa sustatzea bilatzen da. Hezkuntzako greba deialdiak direla eta, hitzaldiaren data aldatu da. Gurasoentzako saioa maiatzaren 5ean izango da, Luzaro ikastetxeko Agirretxeko eraikinean, 17:30ean.