Iagomago-ren 'Misterioaren maisua' ikuskizuna izango da apirilaren 11n Kultur Elkartean

Erabiltzailearen aurpegia Berriketan 2025ko mar. 18a, 10:43

Debako Kultur Elkarteak Iagomago-ren Misterioaren maisua magia ikuskizuna antolatu du, KulturEkin egitasmoaren baitan. Haurrei nahiz helduei zuzendutako hitzordua apirilaren 11n izango da, 20:00etan.

Iago Azkueri (Azpeitia, 2003) zazpi urterekin piztu zitzaion magiarekiko interesa. Hainbat urte beranduago, 2015ean, mago gisa debutatu zuen eta ordutik herriz herri ibili da bere magia jendaurrean aurkezten. Apirilean Debako Kultur Elkartera etorriko da, karta-joko eta trikimailu klasikoak, mentalismoa eta umorea uztartzen dituen Misterioaren maisua ikuskizunarekin.

Sarrerak Internet bidez eros daitezke (esteka honetan) bost euroan. Eta emanaldiaren egunean oraindik sarrerarik balego, emanaldia hasi aurretik bertan erosteko aukera ere izango dela azaldu dute antolatzaileek.