Antonio Iriarteren zuzendaritzapean Maria Blancok aurkeztuko du Punpairez ikuskizuna, eta gonbidatuak eta kolaboratzaileak izango ditu bidelagun. Besteak beste, Xabin Fernandez eta Antonio Iriarte umoregileak ariko dira agertokian eta, aurreratu dutenez, June Gabarain eta Imanol Olague musikariek ere parte hartuko dute saioan. Naxker musika taldeko Nerea Arrasate bateria-jotzailea eta Jaione Baraibar pianista izango dira gonbidatuak. 20:00etan hasiko da hitzordua.
Antolatzaileek jakinarazi dutenez, azken egunotan sarrera gehienak saldu dira, baina gutxi batzuk geratzen dira oraindik. HEMEN erosi daitezke.
Barretegia eta KulturEkin kontzertua
Punpairez saioaz gain, Kultur Elkarteak beste bi ikuskizun hartuko ditu martxoan. Batetik, hilaren 21ean, Barretegia umorezko bakarrizketa saioa egingo dute Eñaut Zuazo, Antton Telleria, Manex Astigarraga, Lide Arregi eta Markel Ramosek. Bestetik, Ruper Ordorikaren eta Arkaitz Minerren musika kontzertua izango da martxoaren 29an. Bi hitzorduak 20:00etan izango dira, eta ikuskizunetarako sarrerak martxoaren 3an, astelehenean, izango dira salgai Kultur Elkartean (18:00etatik aurrera); 5 euroan salduko dituzte Barretegia ikusteko sarrerak, eta 10 euroan KulturEkineko kontzerturako sarrerak.
