Goiz-pasa antolatu du Arbil Elkarte Sozialak biharko (martxoak 27) eta herritarrei bertan parte hartzeko dei egin diete antolatzaileek. Iragarri dutenez, Orio eta Zarautz arteko ibilaldia egiteko asmoa dute. Dena den, eguraldiaren arabera "azken orduko aldaketaren bat" egon daitekeela esan dute. "Euri asko ari badu, beharbada, bertan behera geratuko da deialdia. Azken orduan erabakiko dugu zer egin, eguraldiaren iragarpenaren arabera".
Gaineratu dutenez, eskailera asko dago ibilbidearen lehen zatian, "ia-ia 400, baita aldapa pixka bat ere", eta parte hartzaileei hori kontuan izateko eskatu diete.
Irteera
09:40eko trena hartu eta Oriora abiatuko dira. Ibilaldia amaitu ondoren, Zarautzen, atsedenaldia egingo dute. "Asmoa da 13:20ko trena hartzea eta 13:40erako Deban egotea".