Aurten, estreinakoz, udaberrian izango da Euskaraldia: maiatzaren 15etik 25era bitartean. Eta Itziarren ekimenari hasiera emateko bilera egingo dute bihar (apirilak 3) arratsaldean. 18:30ean jarri dute hitzordua, Kalebarreneko lokalean.
Sustatzaileek iragarri dutenez, hiru gai landuko dituzte bertan. Alde batetik, lantalde bat sortu nahi da Itziarren eta, bestetik, izen-ematea eta txapa banaketa nola antolatu erabaki behar da. Gogorarazi dutenez, bilera irekia izango da. Hortaz, bertan parte hartzeko deia egin diete herritarrei.