Euskadiko landa emakumearen begirada da proiektu honen izena, eta haren helburua da landa eremuko emakumeek EAEko landa-eskualdeen garapenean duten zeregin garrantzitsua indartu, balioetsi eta ikusaraztea: "Horretarako, 21 emakumek beren negozioaren ateak zabaldu dizkigute, beren bizi eta ekonomia proiektua nola eta zergatik sortu duten kontatzeko", adierazi dute arduradunek.
Azpian, txosten osoa formatu digitalean irakurtzeko aukera dago. Tartean, Maitane Beristain Salegi lasturtarraren ibilbidearen eta egungo zereginen berri izan dezakete irakurleek. Txostenaren 25. orrialdean jaso dute bere informazioa, Bere herriarekiko pasioa eta lana izenburupean.
