Lasturko mendi martxaren antolatzaileak pozik daude aurtengo deialdiak izan duen erantzunarekin. Azaldu dutenez, "abiada bizian" gainditu da parte hartzeko aurrez ezarrita zuten 400 laguneko muga eta jendea kanpoan geratu dela ikusita, gehienezko parte-hartzaile kopurua handitzea erabaki dute. Horiek horrela, guztira 500 lagunek parte hartu ahal izango dute martxoaren 16an jokatuko den proban.
Izen-ematea
kirolprobak.com webgunean egin daiteke izen-ematea eta horretarako epea bihar (otsailak 26) amaituko da. 22 euroan ezarri dute hemendik aurrera egingo diren izen-emateen prezioa, kamiseta barne. Bestalde, antolatzaileek ohartarazi dute aurten ez dela probaren egunean izena emateko aukerarik egongo.