Antolatzaileek iragarri dutenez, partaideek bi ibilbide izango dituzte aukeran: luzea —28 kilometrokoa, 1.800 metroko desnibel positiboarekin—, edo motza —21 kilometrokoa, 1.100 metroko desnibel positiboarekin—.
Izen-ematea zabalik dago jadanik kirolprobak.com webgunean. Izena martxoaren 6ra bitartean ematen dutenek 18 euro ordaindu beharko dituzte, eta kamiseta bat jasoko dute opari. Egunean bertan ere izango da izena emateko aukera, baina kasu horretan 25 euro ordaindu beharko dira; horretarako, interesa dutenek irteera gunean jarriko duten mahaira jo beharko dute, 06:45etik 07:30era bitartean. Antolakuntzatik ohartarazi dutenez, gehienez, 400 pertsonak parte hartu ahal izango dute proban.