Bihar gauean mus txapelketa jokatuko dute Lau-haizeta elkartean. Izen-ematea 22:00etan irekiko dute, eta lehia ordu-erdi beranduago hasiko da. Antolatzaileek jakinarazi dutenez, 20 euro ordaindu beharko ditu bikote bakoitzak izena ematerakoan, eta sari ezberdinak egongo dira jokoan. Irabazleek txapela eta 350 euro eskuratuko dituzte, bigarrengoek garaikurra eta 200 euro, hirugarrengoek 100 euro, eta laugarren sailkatzen direnek, aldiz, "ustekabeko oparia" izango dute.
Mus txapelketa ez ezik, askotariko beste hainbat ekintza ere izango dira aukeran datozen egunotan.
Hona hemen aurtengo jaien egitarau osoa:
Ostirala, urtarrilak 17:
- 22:30. Mus txapelketa (izen-ematea 20:00etan; 20 euro bikoteko).
Larunbata, urtarrilak 18:
- Afaria, Urberu sagardotegian. Ondoren, erromeria Izer eta Narbaiza trikitilariekin.
Igandea, urtarrilak 19:
- 12:00. Itziarko sagardogileen eskutik, sagardo dastaketa Jagoba eta Maddalen trikitilariek alaituta.
- 14:00. Bertso bazkaria Julio Soto eta Iker Zubeldiarekin (prezioa 25 euro, eta erreserbak telefono honen bitartez egin beharko dira: 680 63 31 75).
Astelehena, urtarrilak 20:
- 11:00. Meza. Ondoren, txakolin dastaketa.
- 12:30. Zaldi proba Gaztañei eta Sergioren artean.
- 14:00. Bazkaria Urberu sagardotegian. Ondoren, Mendaro eta Galaktikorekin erromeria.
- 18:00. Festen amaiera eta txokolate jana Lau-haizeta elkartean.