6 eta 12 urte bitarteko haur eta gaztetxoei zuzenduta dago jarduera eta urtarrilean hasi eta ekainera arteko iraupena izango du. Ikastaroa asteko egun bakarrean izango da, eta bi orduko iraupena izango du. Azaldu dutenez, jarduera eta jolasen bidez, parte-hartzaileek marrazketa teknika ezberdinak ikasteko aukera izango dute. "Forma eta kolorea hobeto ezagutzeko jarduerak egingo dira, batez ere arkatza eta akuarelak erabiliz".
Astean behin egingo den saioaren ordutegia eta hasiera eguna urtarrilean zehaztuko dituztela esan dute. "Izena emandako ikasle kopuruaren arabera adostuko da ordutegia. Beraz, izena ematerakoan zein egun eta ordu (astearteetan 16:30etik 18:30era edo ostegunetan 17:30etik 19:30era) nahiago dituzuen adieraztea eskatzen dizuegu".
Izena emateko hainbat era
Ikastaroan izena emateko azken eguna abenduaren 20a da eta bertan parte hartu nahi dutenek Itziarko Harrera Bulegora bertaratuta, 943 19 92 55 telefono zenbakira deituta edo itziarkobulegoa@deba.eus helbide elektronikora idatzita eman dezakete izena. Nahiago dutenek ondorengo Google Galdetegia beteta ere egin dezakete izen-ematea. "Ikastaroaren nondik norakoak eta xehetasunak bertan zehaztuta daude".
Hileko 25 euroko prezioa du jarduerak eta, ohartarazi dutenez, auzo udala arduratuko da matrikula kuotak kobratzeaz. Horregatik, ikastaroan parte hartuko dutenei eskatu diete bankuko kontu korrontearen 24 digituak Harrera Bulegoan emateko, "ikastaroaren ordainketa bertatik kudeatzeko".