Telesail arrakastatsuaren atal berriak, gaur (azaroak 22), 21:00etatik aurrera ikusi ahalko dira ETB1 katean eta eitb.eus atarian, eta jarraian, Makusi eta Nahieran plataformetan ere ikusgai egongo dira. Baina ordu batzuk lehenango Itziarrera bertaratzen direnek aukera berezia izango dute hamaikagarren denboraldiko Altxor Ezkutua izeneko lehen kapitulua aurrez ikusteko. Atal hori, hain zuzen ere, Burugorri gaineko lehen solairuan proiektatuko dute, 18:30ean hasita.
UEMAk eta EITBk hitzarmena sinatu dute Go!azen eta Irabazi arte telesailen atal berriak mankomunitate barruko herrietan aurrez estreinatzeko, eta gaurko proiekzioa hitzarmen horren barruan kokatzen dela jakinarazi dute. Itziarko Lizarbe Guraso elkarteak, Burugorri Martxan eta Itziarko Auzo Udalak babestu dute saioa eta interesa duten herritar guztiaz gonbidatu dituzte bertara.