Aste Santuko oporrak hartu aurretik, kontzertu berezia emango dute Musika Eskolan ikasten ari diren helduek. Gaur (apirilak 3) 19:00etan izango da hitzordua, Kultur Elkartean, eta antolatzaileek iragarri dutenez, aurrez txaranga ibiliko da kalez kale. "18:30ean irtengo dira musikariak Kultur Elkartetik".
Antolatzaileek azpimarratu dutenez, eskolan egiten dena publikoari ezagutaraztea da kontzertuaren helburua "eta, batez ere, erakutsi nahi dugu eskaintza ez dagoela umeei eta gazteei bakarrik zuzenduta, jende nagusia ere etortzen baita. Halako ekimenekin gure eskolara adin guztietako jendea erakartzea eta gonbidatzea gustatuko litzaiguke eta jendeak ikus dezala musika ez dela soilik ume eta gazteen kontua".
Askotariko taldeek parte hartuko dute zuzenekoan eta errepertorio zabala aukeratu dutela esan dute. Hona hemen programa:
- Txistulariak:
- Botecito (habanera)
- Gorbea (zortzikoa)
- Akordeoia, Biolina eta Pianoa:
- El Choclo (tangoa)
- Ikusi nuenean (habanera)
- Biolinak, tronpeta, tronboia, bateria eta pianoa.
- Hello Dolly
- Lowbrass:
- My Baby Just Cares
- Jazz Konboa:
- Gingerbread Boy
- Summertime
- I’m Coming Home