Kentzetik gehitzera: metalak metatzen izenburupean ikusi du argia Elhuyar aldizkarian Eider Aldalurren artikuluak. Debarra Ingeniaritza Mekanikoan doktorea da eta Tecnalia ikerketa zentroan ari da lanean azken zazpi urteotan; soldadurako eta fabrikazio-gehigarriko prozesuak aztertzen aritzen da, batez ere beren robotizazioan eta
automatizazioan zentratuz.
Egileak berak hitz hauekin laburbildu du bere artikuluaren muina: "Historian zehar, fabrikazio-teknologiak eta industria, oro har, garatzen joan dira, gaur egun mundu mailan metalen industriaren zutabe nagusiak diren galdaketa-, konformazio- eta mekanizazio-teknologietara iritsi arte. Azken urteetako aurrerapen teknologikoei esker, fabrikazio-teknologia berritzaile bat gaineratu behar zaio zerrenda horri: fabrikazio gehigarria".
Aldalurrek gaia hizpide izan zuen iaz Deban estreinakoz antolatutako Baso Bete Zientzia jardunaldien baitan eman zuen hitzaldian.