Kalean Kantuzekoek eta Eingo taldekoek erromeria ibiltaria egingo dute igandean (martxoak 30). Zehaztu dutenez, eguerdi partean irtengo dira herria girotzera; 12:00etan abiatuko dira, Foruen Plazatik.
Euskal Herrian sustraitutako hainbat kantu herrikoi eta ezagun joko dituzte, eta herritarrak eurekin batera abestera gonbidatu dituzte. "Erromeria ibiltaria antolatzen dugun hirugarren aldia da honakoa. Aurreko bietan sekulako giroa izan dugu, eta oraingoan ere hala izatea espero dugu. Etorri gurekin kantatzera, ez zarete damutuko!".