Irailaren 3tik 6ra bitartean ospatuko da Animadeba Nazioarteko Zinema Jaialdiaren 18. edizioa. Eta animaziorik onena Euskal Herrira ekartzeko helburuarekin, zabalik dago hurrengo jaialdirako film laburrak inskribatzeko deialdia.
Antolatzaileek jakinarazi dutenez, datorren asteartean (apirilak 1) itxiko dute lanak aurkezteko epea. Izen-ematea doakoa da eta, nabarmendu dutenez, materiala soilik Filmfreeway plataformaren bitartez bidali ahal izango da.
Edozein genero, gai edo herrialdetako animaziozko film laburrek parte hartu ahal izango dute lehiaketan, betiere 2024ko urtarrilaren 1etik aurrera sortutakoak badira. Piezek ez dute 20 minutu baino gehiago iraungo, kredituak barne, eta ezinbestekoa da gaztelaniazkoak ez diren film laburren bertsio originalak hizkuntza horretan azpidatzita aurkeztea.
Irakurri HEMEN lehiaketaren oinarriak.