Nafarroa erdialdean eta hegoaldean ekoitzitako oliba-olio birjina estra, kontserbak, arroza, pasta, lekaleak eta ardo loteak euskaraz etiketatuta eta ekoizlearen jatorrizko prezioan eskuratzeko aukera dute oraindik ere herritarrek. Olioa bost litroko bidoietan eros daiteke, eta kontserbak hamabi ontziko sortetan.
Bihar amaituko da eskaerak egiteko epea eta produktuak Deban jasotzeko aukera izango dute, beste behin ere, Zuhatza Euskara Elkarteko bazkideek. Maiatzaren 7an egingo da banaketa.