Debak beste urte batez hartuko du Cimasub Itsaspeko Zinema Zikloa. Egitasmoaren 26. edizioa da aurtengoa, eta Irudi bakoitza, konpromiso bat. Begirada bakoitza, aukera bat leloa aukeratu dute, David Sanchez Cimasubeko zuzendariaren esanetan, "ozeanoen esentzia harrapatzen duten argazkilarien eta zinemagileen dedikazioa sinbolizatuz eta haiek babesteko konpromisoa hartuz". Nabarmendu duenez, sortzaile horientzat irudi bakoitza "erantzukizun ekintza bat da, itsas ekosistemen edertasuna eta zaurgarritasuna erakusten dituena", eta publikoarentzat, berriz, "begirada bakoitza aukera bat da kontzientzia hartzeko eta ingurumenaren alde jarduteko".
Hiru osagai izango ditu aurtengo zikloak: film laburren eta dokumentalen doako proiekzioak, Lehen Hezkuntzako 5. eta 6. mailako ikasleei zuzendutako Txikiziklo saioa eta Adinzikloa, urpeko mundua adinekoei hurbiltzeko helburuz estreinakoz antolatua. Azken hitzordu hori Eguneko Zentroan egingo dute, eta gainontzeko guztiak Kultur Elkartean (egitarau osoa ikusgai dago hurrengo orrialdeetan).
20.000 pertsona baino gehiago
Real Sociedad Itsaspekoak urpekari taldeak sortu zuen Cimasub, 1975ean, eta 48 edizio egin dituzte ordutik; Deban, Real Sociedad Fundazioaren eta udalaren laguntzaz antolatzen dute. Arduradunek aipatu bezala, helburua "itsas hondoa ezagutarazi eta ikusleak itsas ekosistemak zaintzearen garrantziaz ohartaraztea" da. Egitasmoak oihartzun handia du gaur egun nazioartean. Azken edizioan, adibidez, 20.000 lagunek baino gehiagok parte hartu zuten zikloaren baitan antolatutako ekintzetan.
Hona hemen Debako egitarau osoa:
Itsaspeko Zinema
MARTXOAK 13 (OSTEGUNA)
18:30 | Kultur Elkartea | Sarrera doan
• Shark Man - The depths within (Peter Loesek)
Iraupena: 6 min.
• Kallaikoi - El mar de las meigas (Jorge Martinez Vazquez)
Iraupena: 4 min.
• Metropolis - A day in Reef City (Luca Keller)
Iraupena: 14 min.
• Nadar con fantasmas (Damian Ramos Diaz)
Iraupena: 7 min.
• Urak Lawoi, brothers of the sea (Telmo Iragorri eta Manuel Coronado)
Iraupena: 70 min.
MARTXOAK 20 (OSTEGUNA)
18:30 | Kultur Elkartea | Sarrera doan
• A dragon's dance (Dean Spraakman)
Iraupena: 5 min.
• Equilibrio: el balance oculto del oceano (Juan Carlos Garcia Carrillo)
Iraupena: 4 min.
• Anima oceani (Rafael Herrero Massieu)
Iraupena: 3 min.
• Islas Cies: biodiversidad amenazada (Jose Irisarri Castro)
Iraupena: 5 min.
• Sharks (Leandro Blanco)
Iraupena: 7 min.
• Momentos (Jose Carlos Rando Lara)
Iraupena: 4 min.
• Islas Canarias, arrecifes de lava (Rafael Herrero Massieu)
Iraupena: 53 min.
MARTXOAK 27 (OSTEGUNA)
18:30 | Kultur Elkartea | Sarrera doan
• Red alert on corals (Olivier Bourgois eta Emma Josefina Petterson)
Iraupena: 4 min.
• Raja Ampat, the last paradise (David Galvan Fernandez)
Iraupena: 4 min.
• A truly plastic neutral fishery (Pepe Brix)
Iraupena: 6 min.
• Magic of the macroverse (Alfred Schaschl)
Iraupena: 5 min.
• Diaporama Cimasub jaialdiaren lehiaketara aurkeztutako 100 argazki onenak.
• Heart of the sea (Shireen Rahimi)
Iraupena: 10 min.
• Nika - El calderon tropical (Felipe Ravina eta Jose Hernandez)
Iraupena: 29 min.
Itsaspeko Txikizikloa
MARTXOAK 17 (ASTELEHENA)
10:00 | Kultur Elkartea
Lehen Hezkuntzako 5. eta 6. mailako ikasleei zuzendutako jarduera. Haurrak itsas biodibertsitatearen eta ozeanoak babestearen garrantziaz jabetzea du helburu.
Itsaspeko Adinzikloa
MARTXOAK 27 (OSTEGUNA)
15:20 | Eguneko Zentroa
Real Sociedad fundazioarekin lankidetzan, Adinzikloa izeneko saio berezia prestatu dute lehen aldiz. Eguneko Zentroan izango da, urpeko mundua adinekoei ere hurbiltzeko.