Beste urte batez, Gaztelekuak antolatutako Talent Showa ikusteko aukera izango da gaur arratsaldean. Ikuskizuna 17:00etan hasiko da, Aldats pilotalekuan, eta bertan parte hartzen duten gazteek musika, dantza, antzerki edota akrobazia erakustaldiak egingo dituzte bertaratzen direnen aurrean. Iragarri dutenez, gainera, hiru sari egongo dira jokoan; ikuskizun onenaren saria, mozorro originalenari eskainitako saria eta DBHko saria banatuko dituzte.
Ordubete beranduago, 18:00etan, txokolatada egingo dute Arbil Elkarte Sozialeko kideek.
Gazteei eta adinekoei zuzendutako bi ekimen horiekin emango zaie amaiera aurtengo inauterietako jarduerei.