Sabino Arana Fundazioaren Euskal Abertzaletasunaren Museoak Kirolariak izeneko erakusketa dauka ikusgai, euskal kirolari paralinpikoen bizipenak eta sentipenak azalerazteko helburuz prestatutako argazki erakusketa, hain zuzen ere.
26 panelek osatzen dute apirilaren 30era arte ikusgai dagoen erakusketa eta bertan, hainbat kazetariren testigantzen bidez, atleta paralinpikoen istorioak eta horiek eliteko kirolarekin duten harremana ezagutzeko aukera izango dute bisitariek.
Paulino Oribek egin ditu kirolarien argazkiak, eta horietako batean Deban bizi den Amagoia Arrieta agertzen da. Berekin batera, 2024ko Parisko Paralinpiar Jokoetan parte hartu zuten beste hamabi euskal kirolari agertzen dira: Agurtzane Egiluz, Naiara Rodriguez, Laura Ugarte, Iñigo Llopis, Mikel Erdozain, Nahia Zudaire, Higinio Rivero, Ander Cepas, Iker Sastre, Fernando Michelena, Rakel Mateo eta Asier Garcia.
"Kirolariak erakusketa ausardiaz eta ahalegin biziz kirol paralinpikoan arrakasta izan duten euskal atleta horiek ezagutzeko eta aitortzeko gonbidapena da. Ez hutsik egin, kirol inklusiboaz gehiago jakiteko ekimena da, eta zatoz gure lurraldea harrotasunez ordezkatu duten 'benetako kirolariak' ezagutzera", azpimarratu dute erakusketaren antolatzaileek.