Inauterien egitarauaren baitan, Bergarako udal pilotalekuak Bergarako Musika Bandaren eta Orkestra Sinfonikoaren Kabaret 2.0 kontzertua hartuko du gaur gauean, 22:30ean. Emanaldian Aritzeta abesbatzak ere parte hartuko du eta, beste urte batez, bertan ariko dira Debako Kulunka taldeko dantzariak ere. Gainera, antolatzaileek aurreratu dutenez, beste hainbat "antzezle eta musikari sorpresa" ere izango dira.
Kontzerturako sarrerak salgai daude Internet bidez, 8 euroan, eta zuzeneko salmenta ere egin zuten Seminarixoa aretoan. Pertsona bakoitzak gehienez ere sei sarrera eros ditzake. Aldez aurretik sarrera guztiak salduz gero, emanaldi egunean ez dituztela lehiatilan salduko ohartarazi dute.