Debako kaleak aurten ere kolorez eta jai-giroz beteko dira inauterien ospakizunarekin. Bihar (otsailak 27) emango diote hasiera egitarauari, Deba Musikaleko ikasle zein irakasleen kalejirarekin.
Etzi (otsailak 28), berriz, Deba Musikaleko Banda Txikiak musikaz girotuko du herria arratsalde osoan eta, 18:00etatik aurrera, Zuhatza-Kolore Anitzek haurrei zuzendutako inauterietako joko-saioa eskainiko du udaletxeko arkupeetan.
[Ikusi HEMEN mozorro lehiaketaren oinarriak eta saria]
Mozorro festa nagusia larunbatean (martxoak 1) ospatuko da herrian, beti bezala. Goizean goiz hasita, iluntzera artean egongo da, bai, zer ikusi, zer gozatu: txistularien eta dultzaineroen kalejira, mozorro desfilea eta lehiaketako sari banaketa, trikitilariak, Debrass Band...
Aurtengo inauterietako egitaraua asteartean (martxoak 4) amaituko da, Gaztelekuak antolatutako Talent Showarekin.
EGITARAUA:
- Otsailak 27, osteguna
- 17:00. Deba Musikaleko ikasle-irakasleen kalejira.
- Otsailak 28, ostirala
- Arratsaldean. Deba Musikaleko Banda txikia kalez kale.
- 18:00. Inauteri-jolasa, Zuhatza-Kolore Anitzen ekimenez, udaletxeko arkupeetan.
- Martxoak 1, larunbata
- 10:00. Kalez Kale txistulariak.
- 10:30. Deba Musikaleko dultzaineroak.
- 11:00. Mozorro sariketarako eta desfilerako izen-ematea, Foruen Plazan.
- 12:30. Desfilea, Agirre jauregitik hasita, Debako Musika Bandarekin.
- 17:30. Saioa eta Harkaitz trikitilariak, Foruen Plazan.
- 19:30. Debrass Band.
- 20:00. Mozorro lehiaketaren sari banaketa, Foruen Plazan.
- 20:30. Debrass Band.
- Martxoak 4, asteartea
- 17:00. Talent showa Gaztelekuak antolatuta, Aldats pilotalekuan.